阿媽成日投訴話我好難頂
一個念頭閃過就要我反省
識得話人就唔識得話自己
每次閃念偏偏就好似算命

阿爸成日唔出聲柄埋一邊
似乎佢好早已經決定收聲
究竟係一種選擇定係放脾
我成日好想學佢避開話柄

好難頂！難頂！但係都要頂落去⋯⋯

嚟到英國情況好似有改善
牛頭唔搭馬嘴就搵我對應
雞手鴨腳三頭六臂學耍槍
只係因為兩個都怕出洋相

朋友問我生活有冇改變哂
我都唔知點講先叫唔難頂
文化價值從來將人倒哂模
一下子點知會唔會要食草

好難頂！難頂！但係都要頂落去⋯⋯

聽講香城而家環境向下滑
彌敦道嘅金舖一間間走佬
夜晚九點已經逐一閂哂門
終於大家有番啲私人空間

本來人就唔應該嘈之巴閉
開口埋口嫌三嫌四好難頂
阿媽阿爸早已畀人玩蒙蔽
只知道講飲講食唔識大體

難頂！難撈！難捱！要撐住行落去⋯⋯

阿哥家姐各散東西等入籍
姨媽姑姐話啲細路點算好
而家做乜嘢都要先講宣誓
地產商就繼續錬住你條頸

一邊難捨難分但係冇哂計
一邊唯有繼續變相行古惑
喺人家仲有啲法治嘅地方
舊日憧憬變成難頂嘅智慧

難頂背後嘅古仔可以有排數落去⋯⋯

唯有學識放棄去閉翳
今日陽光普照
在乎企喺咩角落
在乎   企喺   咩角落⋯⋯

風籽 / 二零二三年十二月十二日