諸相非相
由他吧！

兩行不知人家講過多少遍嘅說話
兩腳依然持續踩上千萬回嘅惆悵

如是錯摸
由他吧！

遇上過擁抱過失落過嘅愚痴思慕
碰撞過糾纏過痛惜過嘅短暫情懷

殞落如斯
由他吧！

無法翻天嘅誤解拖著重覆嘅迷失
分秒之差嘅念頭又把人惑然變臉

時間無形
由他吧！

暮想朝思道貌德行若谷虛懷難禁
身體現場奇景處處隨時勾魂攝魄

有常無常
由他吧！

熒光獵影刺得眼球內脹意氣撩亂
故事繁囂累及神經梗塞筋膜難堪

待沽閃靈
由他吧！

情執始源頑固現實是非無名扭曲
肉身水體覆雨翻雲豈可流湍莫問

慾望快車
由他吧！

歷代遺跡亂釋法理只為借天割地
佈局紛陳旌旗各據聲討虛無意氣

莫辯意義
由他吧！

農奴樓奴家奴愛奴成就國族財奴
平庸條件掛上澎脹腦袋腐敗難免

子孫躺平
由他吧！

喊入喊出點樣可以跨過眼下盲從
困難呼吸莫非依然意執本來廢噏

人哋話乜
由他吧！

乜乜大師回到日常驟見修行真偽
鄰家阿伯正在執拾話要準備回鄉

人生莫問
由他
由他
去吧！

風籽／20260212