我寫我在
在     不一定需要成章成理
我說我想
想     只係又忘記樹木本然
我話我覺
覺     又似不像懂所見所聞

容許我愚笨    學懶
只係想一步一步咁行走
容許我無知    無涯
只係想邊走邊唱邊抓痕
語話早失焦    失向
之間知識佈滿哂地雷陣
誰講誰知曉    當真
講話紀錄可以成文字獄
誰說誰清楚    明知
讀壞書嘅人最會弄鬼神
認知呢回事    直頭
一百歲唔死都有新聞聽

你寫你問
問     點解食蘋果都成問題
你吹你渾
渾     以為自己造化世間人
你宣你誓
誓     一一驟眼化成鬼食塵

邊個嫌人蠢    呻笨
只係以為自己走先一陣
邊個扮關公    忠誠
二哥盲點其實令人失禁
你講乜正義    恐嚇
處處會變成世代嘅戰爭
佢話咩感恩    感歎
轉頭就睇見四面鬼浮沉
邊個真英雄    惡棍
只係動漫電玩先會過癮
撰文撰出軌    離題
當上人民公敵就好敏感

他說他鬱
鬱     心知以言犯險真難禁
他朝他沉
沉     意氣獻醜如抹黑無底
他釋他法
法     似上大人孔乙己化身

你講AI算計    價位
就連垃圾都去上妝梳頭
人講你托運     虛名
傳出傳入誰在分析裝嵌
一人一語間    串緊
字字都有超連結線上尋
法理不容人    容貪
偽裝專家去洗腦兼洗胃
佛陀彼岸渡    叫喊
只係逢人就亂啼亂傾偈
國族嘅言論    上表
搖身變臉亂放亂飛子彈

我講我話
話     老袓宗千年古韻成幻影
我迷我思
思     身前身後一直畀鬼纏緊
我豈我見
見     一副人肉機器虛找靈魂

風籽／20260210